Барыс белгісі

Мәселе қайда тіркелгеніңде емес. Қалаға қалай қарайтыныңда.

Қар барысы Алматының келбетіне әлдеқашан сіңген — қалалық муралдардан бастап суретшілердің туындыларына дейін.

Біз Барысты қалаға деген сүйіспеншілік, ортақ жауапкершілік және Алматыны жақсартатын нақты істер туралы айту үшін таңдадық.

Түрлі нұсқаларын көру

Идея

Суреттен де артық

Алматылықтар қорғап қалған мурал

2017 жылы Алматының орталығында автокөліктің үстіндегі қар барысы бейнеленген мурал пайда болды. Бірнеше жылдан кейін оның бетін жарнама жауып қалды. Бірақ қала тұрғындары үнсіз қалмады: суретті қайтаруды талап етті. Ақыры мурал қалпына келтірілді.

Қарапайым қабырға суреті сияқты көрінуі мүмкін. Сонда жұрт неге бұлай алаңдады?

Өйткені бұл олар үшін жай сурет емес еді. Ол өздері жақсы көретін, үйреншікті Алматының бір бөлігіне айналған. Адамдар соны сақтап қалуды маңызды санады.

Қар барысы бейнеленген мурал — Neon & Shaman, 2017 жыл.

Неліктен Барысты таңдадық?

Бұл бейне Алматыда бұрыннан бар: өнерде, қала көшелерінде, тұрғындардың жадында.

Біз одан Almaty Bars қозғалысының өзіне жақын құндылықтарды көрдік: қалаға деген сүйіспеншілікті, бір-біріне құрметті және күнделікті өмірді жақсы жаққа өзгертуге деген ұмтылысты.

Біз жол қозғалысы, қауіпсіздік, қалалық орта және адамдар арасындағы қарым-қатынас туралы айтамыз. Нақты жағдайларды талдап, орынды шешімдер іздейміз және көп нәрсе өз іс-әрекетімізге байланысты екенін көрсетеміз.

Барыс белгісі — осы идеяның көзге көрінетін жалғасы. Ол «дұрыс адамға» берілетін марапат емес, Алматыға деген көзқарасыңды білдіру мүмкіндігі.

Қай жерде туғаның емес, қалаға қалай қарайтының маңызды.

Түрлі нұсқалар

Бір бейне. Сан түрлі нұсқа.

Әркімнің өз Барысы болуы мүмкін. Суретші үшін — сурет, дизайнер үшін — жаңа пішін. Ал біреу үшін — күнде киетін киім, аксессуар немесе сүйікті бұйым. Бізге осы таныс қалалық бейненің әр адамның қолында жаңаша жалғасқаны қызық.

Алматылық өндірушіні қолда

Алматыда ойды нақты бұйымға айналдыра алатын шеберлер, дизайнерлер және өндіріс орындары бар. Біз олардың тапсырыс берушілерге, ал тұрғындардың өз ойларын сапалы жүзеге асыратын мамандарға жол табуына көмектескіміз келеді.

Алматыға деген сүйіспеншілік осы қалада еңбек ететін адамдарға да қолдау болсын.

Шығармашылық

Өз белгіңді жаса

Өз идеяң бар ма? Суретші, дизайнер немесе өндіруші болуың шарт емес — бұл бейне саған жақын болса жеткілікті.

Барысты өзінше бейнелеудің жолын ұсын. Бәлкім, сенің нұсқаң осы қалалық бейненің сан түрлі формада өмір сүре алатынын көрсететін келесі мысал болар.